သင့်ကျန်းမာရေး ဘယ်လောက်ကြံ့ခိုင်လဲ? CPET ဖြင့် VO2 Max တိုင်းတာစစ်ဆေးခြင်း

     ယခုခေတ်တွင် ခန္ဓာကိုယ်ကျန်းမာသန်စွမ်းစေရန် လေ့ကျင့်ခန်းလုပ်ခြင်းကို ပိုမိုဦးစားပေးလာကြသည်။ သို့သော် လေ့ကျင့်ခန်းကို မည်မျှအထိ သို့မဟုတ် မည်မျှကြာအောင် ပြုလုပ်သင့်သည်ကို မကြာခဏ သံသယဖြစ်မိတတ်သည်။ မိမိ မည်မျှ သန်စွမ်းသလဲ၊ မည်သို့ ပြုလုပ်ရမည်ဆိုသည်ကို ပြောပြနိုင်သော ကိရိယာ သို့မဟုတ် ကျွမ်းကျင်သူ ရှိပါက အလွန်ကောင်းမွန်မည်ဖြစ်သည်။

ခေတ်မီဆန်းသစ်သော CPET နည်းပညာ

ရာမ်ခမ်းဟဲင်းဆေးရုံသည် CPET (Cardio Pulmonary Exercise Test) နည်းပညာနှင့် ခန္ဓာကိုယ်၏ အောက်ဆီဂျင်လောင်ကျွမ်းမှုနှုန်း (VO2Max) တိုင်းတာခြင်းကို စက်ဘီးနှင့် ပြေးစက် စသည့် အဓိကကိရိယာများနှင့် ပေါင်းစပ်၍ အောက်ပါတို့ကို တိကျစွာ သိရှိနိုင်ရန် ဆောင်ရွက်ပေးလျက်ရှိပါသည်။

• လေ့ကျင့်ခန်းလုပ်နေစဉ် ခန္ဓာကိုယ်မှ အောက်ဆီဂျင် မည်မျှအသုံးပြုသနည်း။
• ခန္ဓာကိုယ်မှ အောက်ဆီဂျင် အများဆုံး မည်မျှအထိ အသုံးပြုနိုင်သနည်း။ အောက်ဆီဂျင် ပိုမိုအသုံးပြုနိုင်လေ ခန္ဓာကိုယ်၏ ကြံ့ခိုင်မှုနှုန်း ပိုမိုမြင့်မားလေဖြစ်သည်။

မိမိ၏ နှလုံးနှင့် အဆုတ် သန်မာမှုရှိမရှိ မသေချာပါက လေ့ကျင့်ခန်းလုပ်ရန် စွန့်စားရဲမည် မဟုတ်ပါ။ လေ့ကျင့်ခန်းလုပ်နေစဉ် မိမိ၏ နှလုံးနှင့် အဆုတ် ကျန်းမာပြီး မည်သည့်ပြဿနာမျှ ဖြစ်လာမည်မဟုတ်ကြောင်း သေချာပါသလား။ မည်သည့်အရာက သင့်ကို ထိုသို့ ယုံကြည်စိတ်ချစေသနည်း။

ခန္ဓာကိုယ်၏ အောက်ဆီဂျင်လောင်ကျွမ်းမှုနှုန်း တိုင်းတာခြင်း (VO2 Max)

CPET နည်းပညာဖြင့် ခန္ဓာကိုယ်၏ အောက်ဆီဂျင်လောင်ကျွမ်းမှုနှုန်း စစ်ဆေးခြင်းသည်  နှလုံးနှင့် အဆုတ် ကျန်းမာရေးကို အောက်ပါ ဂဏန်းကိန်းဂဏန်းများဖြင့် တိကျစွာ ဖော်ပြပေးနိုင်ပါသည်။

• နှလုံး၏ သွေးညှစ်ထုတ်မှုနှင့် သွေးပို့လွှတ်မှုနှုန်း (တစ်မိနစ်လျှင် သို့မဟုတ် တစ်ကြိမ်လျှင် စီစီ မည်မျှအထိ စွမ်းဆောင်နိုင်သနည်း)။
• လေ့ကျင့်ခန်းပြုလုပ်နေစဉ် နှလုံးခုန်နှုန်း အမြင့်ဆုံး တစ်မိနစ်လျှင် မည်မျှရှိသနည်း။
• အပြည့်အဝ လေ့ကျင့်ခန်းလုပ်နေစဉ် တစ်ကြိမ်လျှင် ပျမ်းမျှ လေရှူသွင်းမှု မည်မျှရှိသနည်း (စီစီ)။
• အမြင့်ဆုံး အသက်ရှူနှုန်း တစ်မိနစ်လျှင် အကြိမ်မည်မျှရှိသနည်း။
• အပြည့်အဝ လေ့ကျင့်ခန်းလုပ်ရန် အသုံးပြုသော လေထုထည် ပမာဏ။ ဤကိန်းဂဏန်းများကို တိကျစွာ တွက်ချက်ပေးနိုင်သောကြောင့် လေ့ကျင့်ခန်းလုပ်ရာတွင် ပိုမိုယုံကြည်မှု ရှိစေပါသည်။

VO2 Max တိုင်းတာခြင်း၏ အရေးပါပုံ

     CPET နည်းပညာဖြင့် လေ့ကျင့်ခန်းပြုလုပ်နေစဉ် အောက်ဆီဂျင်လောင်ကျွမ်းမှုနှုန်းကို တိုင်းတာခြင်းသည် မိမိနှင့် မည်သည့်လေ့ကျင့်ခန်းပုံစံ သင့်တော်သနည်း၊ မည်သို့ပြုလုပ်ပါက အန္တရာယ်မရှိနိုင်သနည်းနှင့် မည်သည့်အချိန်တွင် ပြုလုပ်သင့်သနည်း စသည်တို့ကို သိရှိစေပါသည်။ ထို့အပြင် အောက်ဆီဂျင် အများဆုံး အသုံးပြုနိုင်စွမ်းကို တိုင်းတာပေးပြီး နှလုံးနှင့် အဆုတ်ရောဂါ ဖြစ်ပွားနိုင်ခြေရှိသော အန္တရာယ်များကိုပါ ထိရောက်စွာ စစ်ဆေးပေးနိုင်ပါသည်။

VO2 Max စစ်ဆေးမှု မပြုလုပ်မီ ပြင်ဆင်ရန်များ

• လုံလောက်စွာ အိပ်စက်အနားယူပါ၊ စစ်ဆေးမှုမပြုမီ အနည်းဆုံး ၁ ရက်ခန့် ပြင်းထန်သော လေ့ကျင့်ခန်းပြုလုပ်ခြင်းမှ ရှောင်ကြဉ်ပါ။
• စစ်ဆေးမှုမပြုမီ အနည်းဆုံး ၃ နာရီခန့် အစားအသောက် စားသုံးခြင်းမှ ရှောင်ကြဉ်ပါ။
• စစ်ဆေးမှုမပြုမီ ရေလုံလောက်စွာ သောက်သုံးပါ။
• စစ်ဆေးမှုမပြုမီ အနည်းဆုံး ၃ နာရီခန့် ဆေးလိပ်၊ ကဖင်းပါသော သောက်စရာများနှင့် အရက်သေစာ သောက်သုံးခြင်းမှ ရှောင်ကြဉ်ပါ။
• ဆရာဝန်မှ ရပ်နားရန် ညွှန်ကြားထားခြင်းမရှိပါက ပုံမှန်သောက်နေကျ ဆေးဝါးများကို သောက်သုံးနိုင်ပါသည်။
• လေ့ကျင့်ခန်းလုပ်ရန် သင့်တော်သော အဝတ်အစားနှင့် အားကစားဖိနပ်များကို ဝတ်ဆင်ပါ။
• ရောဂါအခံရှိသူများ စစ်ဆေးမှုမပြုမီ ဆရာဝန်နှင့် တိုင်ပင်ဆွေးနွေးသင့်ပါသည်။
• စစ်ဆေးမှုမပြုမီ မကျန်းမာပါက စစ်ဆေးမှုမစတင်မီ ဆရာဝန်ထံ ကြိုတင်အကြောင်းကြားပါ။
• ကြိုတင်ရက်ချိန်းယူရန် ဆေးရုံသို့ ဆက်သွယ်ပါ၊ စက်ပစ္စည်းများနှင့် ယဉ်ပါးမှုရှိစေရန် အချိန်အနည်းငယ် ကြိုတင်ရောက်ရှိသင့်ပါသည်။

ဆက်လက်ဖတ်ရှုရန်: နှလုံး၊ အဆုတ်နှင့် လေ့ကျင့်ခန်း ပြန်လည်သန်စွမ်းရေးဌာန ရာမ်ခမ်းဟဲင်းဆေးရုံ