TMS နည်းပညာ - ခေါင်းတစ်ခြမ်းကိုက်၊ စိတ်ဓာတ်ကျခြင်းနှင့် OCD ရောဂါကုသမှု

     ယနေ့ခေတ်တွင် ဆေးပညာနည်းပညာသည် TMS (Transcranial Magnetic Stimulation) နည်းပညာကို အသုံးပြု၍ မူလခေါင်းကိုက်ရောဂါ (Migraine)၊ စိတ်ကျရောဂါ (Depression) နှင့် စိတ်စွဲလန်းလွန်ကဲသည့်ရောဂါ (OCD) တို့ကို ကုသရာ၌ သိသာစွာ တိုးတက်လာခဲ့သည်။ သံလိုက်လျှပ်စစ်လှိုင်းများကို အသုံးပြု၍ ဦးနှောက်ဆဲလ်များကို လှုံ့ဆော်ပေးပြီး ဝေဒနာရှင်၏ နာကျင်မှုကို လျှော့ချပေးခြင်းဖြင့် ဘေးထွက်ဆိုးကျိုး နည်းပါးပြီး ဘေးကင်းစိတ်ချရကာ အလွန်လွယ်ကူသော ကုသမှုနည်းလမ်းတစ်ခု ဖြစ်ပါသည်။

ထို့ကြောင့် မူလခေါင်းကိုက်ရောဂါ ဝေဒနာခံစားနေရသူများအကြားတွင် လူကြိုက်များရေပန်းစားလျက်ရှိပါသည်။

TMS နည်းပညာဖြင့် ကုသခြင်း

     TMS (Transcranial Magnetic Stimulation) ဆိုသည်မှာ ဦးရေပြားမှတစ်ဆင့် ဦးနှောက်သို့ ကုသရေးကွိုင် (Coil) မှ သံလိုက်လျှပ်စစ်လှိုင်းများ လွှတ်ထုတ်၍ ဦးနှောက်ဆဲလ်များကို လှုံ့ဆော်ပေးသည့် နည်းလမ်းဖြစ်ပါသည်။ ၎င်းသည် ဆက်စပ်နေသော ဦးနှောက်ဆဲလ်များသို့ စွမ်းအင်ပေးပို့ပြီး လွန်ကဲစွာ လှုပ်ရှားနေသော ဆဲလ်များကို လှုံ့ဆော်ရန် သို့မဟုတ် ထိန်းချုပ်ရန် ဆောင်ရွက်ပေးသည်။ ဦးနှောက်ဆဲလ်များ ထိုစွမ်းအင်ကို ရရှိသောအခါ လျှပ်စစ်စီးကြောင်း ပြောင်းလဲမှုများ ဖြစ်ပေါ်လာပြီး ဦးနှောက်ကွန်ရက်များနှင့် အာရုံကြောကူးစက်ဓာတ်ပစ္စည်းများကို အပြုသဘောဆောင်သော သက်ရောက်မှုများ ဖြစ်ပေါ်စေကာ မူလခေါင်းကိုက်ခြင်း၊ စိတ်ဖိစီးခြင်း၊ နာကျင်ခြင်း၊ ကြွက်သားတောင့်တင်းခြင်းနှင့် စိတ်ကျရောဂါတို့ကို သက်သာပျောက်ကင်းစေရန် ကူညီပေးပါသည်။

မူလခေါင်းကိုက်ရောဂါ ကုသရာတွင် TMS ၏ အားသာချက်များ

• ဘေးကင်းမှု မြင့်မားခြင်း၊ နာကျင်မှုမရှိခြင်းနှင့် ဘေးထွက်ဆိုးကျိုး အလွန်နည်းပါးခြင်း။
• မူလခေါင်းကိုက်ခြင်း၊ တင်းအားကြောင့် ခေါင်းကိုက်ခြင်း၊ ရုံးစိုက်ရောဂါစု (Office Syndrome) နှင့် နာတာရှည် ခေါင်းကိုက်ခြင်းတို့ကို ပထမအကြိမ် ကုသပြီးသည်နှင့် သိသာထင်ရှားသော ရလဒ်များ ရရှိစေခြင်း။
• ဆေးဝါးသောက်သုံးမှုကို လျှော့ချပေးနိုင်ပြီး ရေရှည်ဆေးဝါးသုံးစွဲမှု ကြောင့်ဖြစ်သော ဘေးထွက်ဆိုးကျိုးများကို နည်းပါးစေခြင်း။
• အဆက်မပြတ် ကုသမှုခံယူပါက ခေါင်းကိုက်သည့် ဝေဒနာပြင်းထန်မှုကို သက်သာစေပြီး ရောဂါလက္ခဏာများ လုံးဝပျောက်ကင်းသည်အထိ ကူညီပေးရုံမက ပြန်လည်ဖြစ်ပွားခြင်းမှလည်း ကာကွယ်ပေးခြင်း။
• ပြန်လည်သန်စွမ်းရေးနှင့် ကာယကုထုံးစတာ၌ အထူးကုဆရာဝန်ကြီးများ ကိုယ်တိုင် ကုသပေးခြင်း။

TMS ကုသမှုအတွက် ကြိုတင်သတိပြုရန်များ

     TMS နည်းပညာသည် တက်ဖူးသည့် ရာဇဝင်ရှိသော ဝေဒနာရှင်များနှင့် မသင့်တော်ပါ။ ထို့ပြင် ခန္ဓာကိုယ်အတွင်း ကွင်းပုံသဏ္ဌာန်ရှိသော သတ္တုပစ္စည်းများ သို့မဟုတ် နှလုံးခုန်စက်၊ နားအတွင်းတပ် အကြားအာရုံကူစက် စသည့် လျှပ်စစ်ပစ္စည်းများ ထည့်သွင်းထားသူများကိုလည်း ကုသမှု မပြုလုပ်ပါ။

TMS သံလိုက်လျှပ်စစ် နည်းပညာ အကျဉ်းချုပ်

     TMS ကုသမှုသည် ပင်မကုသမှုများကို အထောက်အကူပြုရန် အသုံးပြုသော အခြားရွေးချယ်စရာ ကုထုံးတစ်ခု ဖြစ်သည်။ TMS နည်းပညာဖြင့် အကြိမ်တိုင်း ကုသပြီးချိန်တွင် ဝေဒနာရှင်များသည် နာကျင်မှု ချက်ချင်းလျော့နည်းသွားသည်ကို ခံစားရမည်ဖြစ်သည်။ ရောဂါပြင်းထန်မှုအပေါ် မူတည်၍ အကြိမ်ရေအလိုက် အဆက်မပြတ် ကုသမှုများ ပြုလုပ်လေ့ရှိပါသည်။

ဆက်လက်ဖတ်ရှုရန်: “စိတ်ကျရောဂါ”- ရောဂါအကြောင်း နားလည်ပြီး ချစ်ခင်ရသူများ၏ ပံ့ပိုးမှုဖြင့် ရှေ့ဆက်လျှောက်လှမ်းကြစို့

TMS သည် အနားယူရန် အချိန်မလိုဘဲ အဆင်ပြေ လွယ်ကူသော ဖြည့်စွက်ဆေးဝါးကုသမှုတစ်ခု ဖြစ်ပြီး ခန္ဓာကိုယ်အတွက် ဘေးကင်းကာ ရောဂါလက္ခဏာ အမျိုးမျိုးကို ထိရောက်စွာ ကုသပေးနိုင်ပါသည်။