အမာရွတ်မထင်သော မှန်ပြောင်းဖြင့် သိုင်းရွိုက်ခွဲစိတ်မှု

ပါးစပ်မှတစ်ဆင့် မှန်ပြောင်းဖြင့် သိုင်းရွိုက်ခွဲစိတ်ကုသခြင်း (Transoral Endoscopic Thyroidectomy)

     ပါးစပ်မှတစ်ဆင့် မှန်ပြောင်းဖြင့် သိုင်းရွိုက်ခွဲစိတ်ခြင်း သည် ရိုးရာခွဲစိတ်နည်းများနှင့် နှိုင်းယှဉ်ပါက ပိုမိုတိကျပြီး ဘေးထွက်ဆိုးကျိုး နည်းပါးသည့် ခေတ်မီဆေးပညာနည်းပညာတစ်ခု ဖြစ်ပါသည်။ ဒဏ်ရာကြီးကြီးမားမား ခွဲစိတ်ရန်မလိုဘဲ အနာကျက်မြန်စေပြီး အဓိကအားဖြင့် ခွဲစိတ်ပြီးနောက် မြင်သာသော အမာရွတ်လုံးဝ မကျန်ရစ်စေပါ။

သိုင်းရွိုက်ဟော်မုန်း လွန်ကဲခြင်းရောဂါကို နားလည်သဘောပေါက်ခြင်း

     သိုင်းရွိုက်ဟော်မုန်း လွန်ကဲခြင်း ဆိုသည်မှာ သိုင်းရွိုက်ဂလင်းမှ ဟော်မုန်းများ ပိုမိုထုတ်လုပ်ခြင်းကြောင့် ဖြစ်ပေါ်လာသော ပုံမှန်မဟုတ်သည့် အခြေအနေဖြစ်ပါသည်။ ဤရောဂါဖြစ်ပွားပါက တံတွေးမျိုချသည့်အခါ သိုင်းရွိုက်ဂလင်းသည် အထက်အောက် ရွေ့လျားနေမည်ဖြစ်ပြီး အချို့ဖြစ်စဉ်များတွင် ရောင်ရမ်းမှုကြောင့် သိုင်းရွိုက်ဂလင်း သိသိသာသာ ကြီးထွားလာနိုင်ပါသည်။ ဤအခြေအနေသည် သိုင်းရွိုက်ဟော်မုန်း လွန်ကဲစွာထွက်ရှိခြင်း၊ ပစ်ကျူထရီဂလင်းဆိုင်ရာ ပြဿနာများ သို့မဟုတ် အခြားသော နောက်ဆက်တွဲပြဿနာများအပါအဝင် အကြောင်းအရင်းများစွာကြောင့် ဖြစ်ပွားနိုင်ပါသည်။

ခွဲစိတ်မှုမပြုမီ သိုင်းရွိုက်ရောဂါလက္ခဏာများကို စစ်ဆေးအကဲဖြတ်ခြင်း

     ဆရာဝန်မှ ဤအခြေအနေကို စစ်ဆေးတွေ့ရှိခဲ့လျှင်ပင် အချို့သူများတွင် ရောဂါလက္ခဏာ လုံးဝမပြဘဲ အာထရာဆောင်း၊ CT Scan သို့မဟုတ် MRI စစ်ဆေးမှုများပြုလုပ်စဉ် တိုက်ဆိုင်စွာ တွေ့ရှိရတတ်ပါသည်။ ရောဂါလက္ခဏာများအနေဖြင့် လည်ပင်းကြီးထွားလာခြင်း သို့မဟုတ် အသံအိုး၊ လေပြွန် သို့မဟုတ် အစာပြွန်တို့ကို ဖိနှိပ်ထားသော အကျိတ်ကို စမ်းသပ်တွေ့ရှိရခြင်းတို့ပါဝင်ပြီး၊ ထိုမှတစ်ဆင့် အသံဩခြင်း၊ လည်ချောင်းကျဉ်းကျပ်သကဲ့သို့ ခံစားရခြင်းနှင့် အစာမျိုရခက်ခဲခြင်းတို့ကို ဖြစ်ပေါ်စေနိုင်ပါသည်။

သိုင်းရွိုက်အကျိတ်သည် ကင်ဆာဟုတ်မဟုတ် ခွဲခြားခြင်း

သိုင်းရွိုက်အကျိတ်သည် ကင်ဆာဟုတ်မဟုတ် အတည်ပြုရန် အလွန်အရေးကြီးပါသည်။ အောက်ပါအဆင့်များအတိုင်း စစ်ဆေးနိုင်ပါသည်။

• သိုင်းရွိုက်လုပ်ဆောင်ချက်နှင့် ရောင်ရမ်းမှု အခြေအနေကို သိရှိနိုင်ရန် သွေးစစ်ဆေးခြင်း။
• အကျိတ် သို့မဟုတ် သိုင်းရွိုက်ပြန်ရည်ကျိတ်များ ရောင်ရမ်းမှု သံသယဖြစ်ဖွယ်ရှိမရှိ သိရှိနိုင်ရန် သိုင်းရွိုက်နှင့် လည်ပင်းကို အာထရာဆောင်းဖြင့် စစ်ဆေးခြင်း။
• အပ်သေးသေးလေး အသုံးပြု၍ အကျိတ်မှ ဆဲလ်အမျိုးအစားများကို ယူဆောင်စစ်ဆေးခြင်း (Fine-needle aspiration biopsy)။

သိုင်းရွိုက်အကျိတ်ကြောင့် အသံဩခြင်းနှင့် အစာမျိုရခက်ခဲခြင်းများ ဖြစ်ပေါ်လာပါက ခွဲစိတ်ရန် လိုအပ်ပါသလား။

     သိုင်းရွိုက်အကျိတ် ဖိနှိပ်မှုကြောင့် အသံဩခြင်းနှင့် အစာမျိုရခက်ခဲခြင်းတို့ ဖြစ်ပေါ်ပါက အကျိတ်၏ အရွယ်အစား မည်မျှပင်ရှိစေကာမူ သိုင်းရွိုက်ဂလင်းကို ခွဲစိတ်ဖယ်ရှားရန် အကြံပြုနိုင်ပါသည်။

သိုင်းရွိုက် ခွဲစိတ်ကုသခြင်း

ခေတ်မီ ဆေးပညာ တိုးတက်လာမှုကြောင့် ဆရာဝန်များသည် ရိုးရာလည်ပင်းလှီးဖြတ် ခွဲစိတ်နည်းအပြင် အခြားသော ခေတ်မီခွဲစိတ်နည်းများကိုပါ လုပ်ဆောင်နိုင်ပြီဖြစ်ပါသည်။

၁။  ရိုးရာ လည်ပင်းလှီးဖြတ် သိုင်းရွိုက်ခွဲစိတ်မှု (Open Thyroid Surgery)

     ရိုးရာခွဲစိတ်နည်းဖြစ်ပြီး ခွဲစိတ်ဆရာဝန်သည် သိုင်းရွိုက်ကို ဖယ်ရှားရန် လည်ပင်းတွင် ဒဏ်ရာရာရေးဆွဲ ခွဲစိတ်ရသောကြောင့် လည်ပင်းတစ်လျှောက် အမာရွတ်အရှည်ကြီး ကျန်ရစ်စေပါသည်။

၂။  မှန်ပြောင်းဖြင့် သိုင်းရွိုက်ခွဲစိတ်မှု (Endoscopic Thyroid Surgery)

     မှန်ပြောင်းဖြင့် သိုင်းရွိုက်ခွဲစိတ်ခြင်းသည် ထိရောက်သော ကုသမှုနှင့် အလှအပဆိုင်ရာ ရလဒ် နှစ်မျိုးစလုံးကို ဦးစားပေးသည့် ခေတ်မီနည်းပညာတစ်ခု ဖြစ်ပါသည်။ ခွဲစိတ်ဒဏ်ရာကို နားရွက်နောက်ကွယ် သို့မဟုတ် ဆံပင်စပ်တွင် သိုဝှက်ထားနိုင်သလို ပါးစပ်မှတစ်ဆင့်လည်း ခွဲစိတ်နိုင်ပါသည်။ ထို့ကြောင့် ခွဲစိတ်ဒဏ်ရာ သေးငယ်ပြီး လည်ပင်းတွင် မြင်သာသော အမာရွတ် လုံးဝမကျန်ရှိစေဘဲ မည်သည့်အဝတ်အစားမဆို ယုံကြည်မှုရှိရှိ ဝတ်ဆင်နိုင်စေပါသည်။

သိုင်းရွိုက်အထူးကု ဆရာဝန်၏ အကြံပြုချက်

     မှန်ပြောင်းဖြင့် သိုင်းရွိုက်ခွဲစိတ်မှု ပြုလုပ်ရန်အတွက် အတွေ့အကြုံရှိ သိုင်းရွိုက်အထူးကုဆရာဝန်နှင့် ဆွေးနွေးတိုင်ပင်ရန် လိုအပ်ပြီး၊ အမာရွတ်မကျန်သော ခွဲစိတ်နည်းနှင့် သင့်တော်မှုရှိမရှိ ဆုံးဖြတ်ရန် အကျိတ်၏ အရွယ်အစား၊ တည်နေရာနှင့် လက္ခဏာများကို စနစ်တကျ စစ်ဆေးအကဲဖြတ်ရမည် ဖြစ်ပါသည်။

ဒဏ်ရာရာကို သိုဝှက်နိုင်သည်၊ အမာရွတ်မကျန်ရှိ၊ မည်သည့်အဝတ်အစားမဆို ယုံကြည်မှုရှိရှိ ဝတ်ဆင်နိုင်ပါသည်